🌐अन्तर्राष्ट्रिय नारी दिवस: [स्वतन्त्रता, समानता र सशक्तीकरण]

जब मैले फेसबुक खोले तब बल्ल सम्झेँ—हो त, आज मार्च ८! अर्थात् अन्तर्राष्ट्रिय नारी दिवस! नारी दिवसको मिति पहिले त थाहै थियो, तर ठ्याक्कै हिजोआज भने भुसुक्कै बिर्सेको रहेछु। जे होस् फेसबुकले आज पनि मलाई चाहिँ अर्को सम्झना दिलायो। हुन पनि फेसबुकका भित्ताहरू शब्दका फूलहरूले रंगिएका थिए, तस्बिरहरूले झनै उमङ्ग थपिदिएका थिए। हरेकजसो पोस्ट नारी दिवसका शुभकामनाले भरिभराउ थिए।