के तपाईको मोबाइलले नेपाली युनिकोड Read गर्छ?

   सूचना र प्रविधिको विकाससँगसँगै वर्तमान समयमा नेपालमा पनि मोबाइल नेटवर्कको विस्तार उल्लेख्य मात्रामा भएको कुरालाई कसैले नकार्न सक्दैन । त्यहीँ मोबाइल नेटवर्कको विस्तारसँगै GPRS, 3G Service जस्ता द्रुत गतिका इन्टरनेट सुविधाको पनि विकाश भएकै छ । तसर्थः हिजोआज मोबाइल फोनबाटै इन्टरनेट चलाउनेहरूको संख्या पनि उल्लेख्य छ । अझ झन् नेपाली युनिकोडको विकासले त इन्टरनेटको दुनिँयामा अंग्रेजी भाषाको मात्रै अधिपत्य समाप्त पारिसकेको छ । फलस्वरुप अहिले इन्टरनेटमा नेपाली भाषाका बढीभन्दा बढी वेवपेजहरू पनि बनिसकेका छन् । अझ अहिले त झन् सामाजिक सञ्जालहरूमा समेत व्यापक रुपमा नेपाली भाषाकै प्रयोग भएको पाइन्छ । त्यसैले यदि तपाईको मोबाइलले नेपाली भाषामा लेखिएको अक्षर पढ्न सकेन भने के गर्ने त ? आज म त्यहीँ समस्याको समाधानको बारेमा चर्चा गर्नेछु ।

   सामान्यतया नेपाली भाषा नचिन्ने मोबाइलमा नेपालीभाषा चिन्ने बनाउन कि त मोबाइलको ‘फर्म वेयर’ ह्याक गर्नु पर्‍यो, कि मोबाइलमा ‘ल्याङ्वेज प्याक’ हाल्नु  पर्‍यो । तर यी दुबै तरिका अत्यन्तै जटिल र संवेदनशील पनि भएकाले निश्चित रुपमा प्राविधिक ज्ञान हुनु आवश्यक छ । त्यसकारण म तपाईहरूलाई एउटा अर्कै अत्यन्तै सरल र सजिलो उपायबारे बताउँदै छु । जुन निःशुल्क मोबाइल सफ्टवेयरको प्रयोग गरी मोबाईल ब्राउजरलाई नेपाली भाषा मैत्री बनाउन सकिन्छ ।

   यदि तपाईको मोबाइले युनिकोड (नेपाली) सपोर्ट गर्दैन भने तपाईको मोबाइलमा नेपाली युनिकोड भएको साइट खोल्दा नेपाली अक्षरहरु ”ְֻ֔” वा "" जस्तो मात्रै देखिन्छन् । यसरी पढ्न नमिल्ने बक्स -बक्स वा चिन्हरु जस्ता मात्रै भएर देखिने अक्षरलाई पढ्न मिल्ने बनाउन निम्न प्रक्रियाहरू अपनाउनुहोला ।

१. सबैभन्दा पहिले तपाई आफ्नो मोबाइलमा Opera Mini डाउनलोड गरी इन्स्टल गर्नुहोस् । 

   त्यसको लागि कम्युटर ब्राउजरबाट यहाँ वा यहाँ गएर सिधैँ आफ्नो मोबाइलको ब्रान्ड र  

  मोडेल अनुकुलको सफ्टवेरयर डाउनलोड गर्न सक्नुहुनेछ । अथवा तपाईले आफ्नो मोबाइलबाटै             

  पनि सिधै Opera Mini डाउनलोड गरी इन्स्टल गर्न सक्नुहुनेछ।

२. अब मोबाइलमा भएको Opera Mini खोल्नुहोस् र एड्रेसबारमा about:config टाइप गर्नुहोस् र

  इन्टर दबाउनुहोस् ।

३. अब खुल्ने पेजलाई स्क्रोल गर्नुहोस् र तलतिरको  “Use bitmap fonts for complex scripts”

  भन्ने विकल्पमा हेर्नुहोस् ।

४ . सो विकल्पको पछाडि भएको "No" लाई "Yes" गर्नुहोस् र Save गर्नुहोस्  । त्यसपछि ब्राउजर

   रिस्टार्ट गर्नुहोस्  ।

अब तपाईको मोबाइल ब्राउजरमा  नेपाली अक्षर देखिनेछन् । यदि ब्राउजरमा देखिने अक्षरहरु साना वा ठूला भएमा तपाई त्यसलाई आफ्नो अनुकुल बनाउन पनि सक्नुहुन्छ। त्यसको लागि Opera Mini खोल्नुहोस् अनि Menu हुँदै Tools>Setting>Font size: Small/Medium/Large/Extra large मध्ये कुनै एक छान्नुहोस् ।

                                                                                 सन्दर्भ सामग्री