कैले काँईँ त !

कैले काँईँ त अलिअलि पिउनुपर्छ ।
मनै फाटे लुगा झँईँ सिउनुपर्छ ।।
कैले काँईँ त आँसु पनि पिउनुपर्छ ।
सुख दुःख सम्हालेरै जिउनुपर्छ ।।

कैले काँईँ त बन्धन पनि भुल्नुपर्छ ।

पन्छी जस्तै स्वतन्त्र भई उड्नुपर्छ ।।

कैले काँईँ त संसार पनि चिन्नुपर्छ ।

नयाँ बाटो हिम्मतका साथ हिँड्नुपर्छ ।।

कैले काँईँ त यस्तो गीत गाउनुपर्छ ।

डाँको छोडी रुन सबले पाउनुपर्छ ।।

कैले काँईँ त गह्रौँ मनलाई साट्नुपर्छ।।

कालो बादल आकाशबाटै फाट्नुपर्छ ।।

कैले काँईँ त विषै पिई बाँच्नुपर्छ ।
सारा दुःख पीडा लुकाइ हाँस्नुपर्छ ।।
कैले काँईँ त थोरै रक्सी पिउनुपर्छ ।

पोखि बह खुसी भई जिउनुपर्छ ।।

             --- इश्वरी घिमिरे